Llanelli yn codi i'r brig
Image copyright
Not Specified
Mae Llanelli wedi codi i frig Uwchgynghrair Cymru wedi i'r pencampwyr, Bangor, golli'n annisgwyl ddydd Sadwrn.
Enillodd y Seintiau yn erbyn Airbus UK Brychdyn nos Wener i godi i'r brig.
Roedd disgwyl i Fangor ennill yn y Drenewydd brynhawn Sadwrn, ond roedd sioc yno.
Aeth y Drenewydd ar y blaen yn gynnar, dim ond i Les Davies ddod â Bangor yn gyfartal yn gynnar yn yr ail hanner.
Ond gyda naw munud yn weddill, Gareth Partridge gafodd y gol i ennill triphwynt gwerthfawr i'r Drenewydd a rhoi ergyd i obeithion Bangor.
Mae Bangor felly wedi disgyn i'r trydydd safle gan i Lanelli sicrhau buddugoliaeth oddi cartref ym Mhort Talbot.
Stuart Jones gafodd unig gol y gem wedi 60 munud.
Roedd cysgod marwolaeth Gary Speed dros gemau ddydd Sul.
Yn y ddwy gêm a chwaraewyd, dim ond un gol a sgoriwyd, a honno'n roi buddugoliaeth i Brestatyn yn erbyn Aberystwyth.
Cyfartal di-sgor oedd hi rhwng Y Bala a Chastell-nedd.
Canlyniadau
Nos Wener
Caerfyrddin 2 Lido Afan 5
Seintiau Newydd 3 Airbus 1
Dydd Sadwrn
Y Drenewydd 2-1 Bangor
Port Talbot 0-1 Llanelli
Dydd Sul
Bala 0-0 Castell-nedd
Prestatyn 1-0 Aberystwyth
Tabl Uwchgynghrair Corbett Sports:
| Gemau | Gwahaniaeth Goliau | Pwyntiau | |
|---|---|---|---|
| 1. Llanelli | 18 | +25 | 39 |
| 2. Y Seintiau Newydd | 18 | +20 | 39 |
| 3. Bangor | 18 | +16 | 38 |
| 4. Castell-nedd | 18 | +19 | 33 |
| 5. Bala | 18 | +7 | 30 |
| 6. Prestatyn | 18 | +4 | 27 |
| 7. Airbus UK | 18 | -7 | 19 |
| 8. Port Talbot | 18 | -10 | 18 |
| 9. Lido Afan | 17 | -9 | 17 |
| 10. Y Drenewydd | 18 | -26 | 16 |
| 11. Aberystwyth | 17 | -11 | 13 |
| 12. Caerfyrddin | 18 | -27 | 10 |
Ar ôl gemau Dydd Sul, Tachwedd 27, 2011.