Abertawe 0-0 Aston Villa

Clwb Pêl-droed Abertawe Image copyright Other

Roedd cysgod dros y gêm yn Stadiwm Liberty wrth i Abertawe groesawu Aston Villa.

Cyn y gic gyntaf, gofynnodd y cyhoeddwr am funud o ddistawrwydd i gofio am Gary Speed a fu farw fore Sul.

Yn lle hynny cafwyd munud o gymeradwyo a chanu enw Gary Speed wrth i'r cefnogwyr dalu eu teyrnged eu hunain i reolwr Cymru.

Roedd golwr Aston Villa, Shay Given - oedd yn gyd-chwaraewr gyda Speed yn Newcastle - yn ei ddagrau wrth glywed y deyrnged.

O ystyried yr awyrgylch o dristwch, doedd hi'n fawr o syndod fod y gêm a ddilynodd yn ddisgynneb.

Ychydig o gyfleoedd gafodd y naill dim a'r llall yn y 90 munud.

Daeth cyfle gorau Abertawe pan daniodd Leroy Lita ergyd heibio'r postyn yn yr ail hanner.

Y pen arall bu'n rhaid i Michel Vorm fod ar ei orau i rwystro Gabriel Agbonlahor ddwywaith, ac fe beniodd Chris herd heibio'r postyn hefyd i'r ymwelwyr.

Canlyniad: -

Abertawe 0-0 Aston Villa

Tabl Uwchgynghrair Barclays

Gemau Gwahaniaeth Goliau Pwyntiau
1. Manchester City 13 +31 35
2. Manchester United 13 +17 30
3. Tottenham 12 +10 28
4. Newcastle 13 +7 26
-----------------------------------------------------------------------------------------
13. ABERTAWE 13 -4 14

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.