Gem gyfartal i'r Dreigiau

RaboDirect Pro12 Image copyright Other

Gweilch 19-13 Munster

Mae'r Gweilch yn ail yn nghynghrair y Pro12 ar ol curo Munster yn Abertawe.

Roedd 19 o chwaraewyr y Gweilch yn absenol oherwydd dyletswyddau gyda'r tim cenedlaethol a chystadleuaeth saith bob ochr.

Croesoedd Richard Fussell a Rhys Webb i'r tim cartref, gyda Doug Howlett yn sgorio unig gais Munster.

Daeth naw o bwyntiau'r gweilch o esgid Matthew Morgan.

Daeth dau gais y Gweilch o fewn pum munud i'w gilydd.

Er i Munster bwyso tua'r diwedd fe ddaliodd amddiffyn y Gweilch yn gadarn.

Dreigiau 14-14Glasgow

Cic gosb yn munud ola'r gem gan Jason Tovey sicrhaodd fod y Dreigiau yn cael gêm gyfartal yn erbyn Glasgow.

Camgymeriad gan y blaenwr Lewis Evans wnaeth oedi cyn tirio'r bêl arweiniodd at gais ffodus i Glasgow gyda phum munud yn weddill

Fe'i curwyd i'r bêl gan Scott Wight, a hynny yn erbyn rhediad y chwarae.

Daeth unig gais y Dreigiau ar ôl i'r canolwr Tom Riley groesi yn y gornel.

Ulster 24-17 Scarlets

Roedd y tîm o Lanelli ar y blaen o 10-8 ar yr egwyl diolch i ddau gais gan Sean Lamont a Viliame Iongi.

Ond roedd diffyg disgyblaeth yn costio'n ddrud wrth i Ian Humphreys gicio pedair gôl gosb i'r tîm cartref i ychwanegu at gais Stephen Ferris.

Ychwanegodd Ferris ail gais wedi'r egwyl, gyda Humphreys yn trosi.

Daeth cais hwyr i Keiran Murphy i'r Scarlets wrth iddyn nhw gau'r bwlch, ond y cicio at y pyst oedd y gwahaniaeth rhwng y ddau dîm.

Leinster 52-9 Gleision

Roedd buddugoliaeth Leinster yn erbyn y Gleision yn llawer mwy clir.

Dim ond troed Ceri Sweeney sgoriodd i'r tîm o Gaerdydd, ac fe gafodd amddiffyn yr ymwelwyr noson drychinebus.

Daeth naw pwynt y Gleision i gyd yn yr hanner cyntaf, ac ar yr egwyl dim ond o 13-9 yr oedden nhw ar ei hôl hi.

Ond agorodd y llifddorau wedi'r egwyl wrth i Leinster sgorio pum cais i ychwanegu pwynt bonws a halen ar y briw.

Aeth Leinster bum pwynt yn glir ar frig y tabl felly, ac fe fydd angen buddugoliaeth gyda phwynt bonws ar y Gweilch yn erbyn Munster ddydd Sadwrn er mwyn codi yn ôl i'r brig.

Ond gyda cymaint o'u chwaraewyr nhw ar ddyletswydd rhyngwladol, go brin y bydd hynny'n digwydd chwaith.

Canlyniadau :-

Nos Wener -

Ulster 24-17 Scarlets

Leinster 52-9 Gleision

Connacht 13-15 Treviso

Caeredin 50-10 Aironi

Dydd Sadwrn -

Gweilch 19-13 Munster

Dydd Sul -

Dreigiau v. Glasgow

Tabl Cynghrair RaboDirect Pro12

Safle Gemau Enillwyd Cyfartal Pwyntiau Bonws Cyfanswm
1. Leinster 10 8 0 3 35
2. GWEILCH 10 7 1 0 34
3. Munster 10 6 0 5 29
4. Glasgow 10 6 0 2 27
5. GLEISION 9 5 0 5 25
6. Treviso 10 5 0 3 23
7. SCARLETS 10 4 1 4 22
8. Ulster 10 5 0 1 21
9. Caeredin 10 4 0 3 19
10. Connacht 10 3 0 3 16
11. DREIGIAU 9 2 0 2 11
12. Aironi 10 1 0 2 6