Bangor: 'Perfformiad godidog'

Cyhoeddwyd
ffynhonnell y llun, Not Specified

Roedd perfformiad Bangor yn odidog yn eu gêm ola ar Ffordd Farrar o flaen torf o fwy na 2,500 - curo Prestatyn o 5-3.

Y fuddugoliaeth yn eu codi i frig y tabl ac yn coroni 91 o flynyddoedd o chwarae ar y cae hanesyddol.

Yn Stebonheath collodd Llanelli 0-1 i Gastell-nedd. Collins sgoriodd wedi 43 o funudau ond cafodd Fowler o'r ymwelwyr ei anfon o'r cae.

Bangor 5 Prestatyn 3

Llanelli 0 Castell-nedd 1

Dydd Llun

Roedd cyfle, am 24 awr o leiaf, i'r Seintiau Newydd godi i frig yr Uwchgynghrair gyda buddugoliaeth yn y Drenewydd, y tîm olaf ond un.

Daeth y goliau yn yr ail hanner. Roedd argoel o ganlyniad annisgwyl wrth i Boundford roi'r tîm cartref ar y blaen ond tarodd y Seintiau yn ôl, goliau gan Spender, Roberts a Jones. Buddugoliaeth o 3-1.

Brwydr ar waelod y tabl oedd hi ar faes Park Avenue gydag Aberystwyth yn chwarae Caerfyrddin.

Caerfyrddin oedd yn parhau ar waelod yr adran ar ôl colli 4-1. Goliau Thomas (4), James (16) Parkinson (75) a Nalborski (83) sicrhaodd y pwyntiau i'r tîm cartref.

Aberystwyth 4 Caerfyrddin 1

Bala 1 Airbus 0

Y Drenewydd 1 Seintiau Newydd 3

Port Talbot 2 Lido Afan 2

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol