Katherine Jenkins a Gethin Jones wedi gwahanu

Daeth y cyhoeddiad drwy gyfrifon Twitter y ddau ddydd gwener

Mae'r gantores Katherine Jenkins a'r cyflwynydd teledu Gethin Jones yn dweud eu bod "wedi torri eu calon" ar ôl gwahanu.

Roedd y pâr wedi cyhoeddi ym mis Chwefror eu bwriad i briodi wedi i gyn-gyflwynydd y rhaglen deledu Blue Peter ofyn i'r gantores ei briodi ar ddiwedd gwyliau ym Mecsico.

Cyhoeddodd Jones, sy'n dod o Gaerdydd, a Jenkins, sy'n hannu o Gastell-nedd, eu bod wedi gwahannu ar eu cyfrifon Twitter dydd Gwener.

Strictly

Cafodd y newyddion ei gadarnhau gan dîm rheoli y mezzo-soprano.

Fe wnaeth y ddau gyfarfod ar y rhaglen deledu Strictly Come Dancing.

Roedd Jones yn gystadleuydd ar y sioe a Jenkins yn perfformio.

Meddai Jenkins ar ei chyfrif Twitter: "Mae'n ddrwg gennyf am fod yn dawel yn ddiweddar, ond mae gen i newyddion trist iawn.

Fe wnaeth y ddau gyfarfod ar raglen teledu yn 2007

"Mae Geth a fi wedi penderfynu gwahanu. Rydyn ni'n dau wedi torri ein calonnau."

Dywedodd Jones ar ei gyfrif Twitter: "Helo bawb. Dwi'n drist iawn i ddweud wrthoch 'mod i a Kath wedi gorffen ein perthynas.

"Mae'r ddau ohonom ni wedi torri ein calonnau."

Yn fuan ar ôl y dyweddiad dywedodd papurau newydd fod y pâr yn bwriadu priodi yng Nghymru yn ystod haf 2012.

Mae Jones wedi bod yn cyd-gyflwyno The Adventurer's Guide to Britain ar ITV1 a helpodd i lansio Apêl Pabi 2011 y Lleng Prydeinig.