BBC Cymru Fyw

Dynes wedi'i chyhuddo o geisio llofruddio dyn

Published
image copyright(C) British Broadcasting Corporation
image captionCafodd yr heddlu eu galw i'r safle toc cyn 1.30am ddydd Sul

Mae dynes 49 oed wedi cael ei chyhuddo o geisio llofruddio wedi digwyddiad yn Y Fflint.

Dywedodd Heddlu Gogledd Cymru eu bod wedi cael eu galw i Bolingbroke Heights yn y dref toc cyn 1.30am ddydd Sul.

Roedd dyn 62 oed wedi cael ei drywanu.

Aed â fo i'r ysbyty lle mae o mewn cyflwr sefydlog.

Mae disgwyl i'r ddynes ymddangos o flaen ynadon yn Wrecsam ddydd Llun.

Yn y cyfamser, mae'r heddlu yn gofyn i unrhyw un oedd yn ardal Bolingbroke yn Y Fflint yn ystod oriau man bore dydd Sul i gysylltu â nhw.