Cwpan Carling: Crystal Palace 1-0 Caerdydd

Anthony Gardner yn sgorio yn erbyn Caerdydd Image copyright Other
Image caption Anthony Gardner sgoriodd gôl Crystal Palace nos Fawrth

Mae gobeithion Caerdydd o gyrraedd rownd derfynol Cwpan Carling yn dal yn fyw wedi iddynt golli o un gôl i ddim yn erbyn Crystal Palace ym Mharc Selhurst nos Fawrth.

Bydd yr ail gymal yn Stadiwm Dinas Caerdydd ymhen pythefnos yn allweddol wrth i'r ddau dîm frwydro am le yn y rownd derfynol.

Yr ymwelwyr a ddechreuodd orau ond methodd Joe Ralls a Ben Turner gyfleoedd da i roi'r Adar Gleision ar y blaen.

Aeth Crystal Palace ar y blaen wedi 43 munud pan sgoriodd Gardner o groesiad Darren Ambrose o'r asgell chwith.

Troseddu

Rhwydodd Kenny Miller i Gaerdydd yn gynnar yn yr ail hanner ond fe gafodd y gôl ei gwahardd am fod un o chwaraewyr Caerdydd wedi troseddu gôl geidwad y tîm cartref, Julian Peroni.

Er i dîm Malky Mackay fethu creu llawer o gyfleoedd yn yr ail hanner fe fydd yr Adar Gleision yn fffyddiog y gallan nhw ennill yr ail gymal o ddwy gôl ymhen pythefnos.

Y wobr i'r buddugwyr fydd lle yn y rownd derfynol yn Wembley yn erbyn naill ai Lerpwl neu Manchester City ar Chwefror 26.

Crystal Palace 1 Caerdydd 0

Gardner 43

Crystal Palace: Speroni, Parr, McCarthy, Gardner, Ramage, Ambrose, Dikgacoi, Zaha, Murray, Martin

Eilyddion: Price, Wright, Garvan, O'Keefe, Scannell, Easter, Andrew

Caerdydd: Heaton, McNaughton, Taylor, Hudson, Turner, Whittingham, Cowie, Gunnarsson, Ralls, Miller, Mason

Eilyddion: Marshall, Gerrard, Kiss, Conway, Blake, McPhail, Earnshaw

Y Bumed Rownd: Tachwedd 29

Caerdydd 2 Blackburn Rovers 0

Y Bedwaredd Rownd: Hydref 25

Caerdydd 1 Burnley 0

Y Drydedd Rownd: Medi 21

Caerdydd 2 Caerlŷr 2 (Caerdydd yn ennill 7-6 yn dilyn ciciau o'r smotyn)

Yr Ail Rownd: Awst 23

Caerdydd 5 Huddersfield 3

Y Rownd Gyntaf: Awst 10

Rhydychen 1 Caerdydd 3

Straeon perthnasol