BBC Cymru Fyw

Castell-nedd yn drech na Phort Talbot

Published
image copyrightNot Specified

Roedd Castell-nedd yn croesawu Port Talbot i'r Gnoll nos Iau.

Fe aeth y tîm cartref ar y blaen wedi naw munud wrth i Luke Bowen sgorio.

Yn yr ail hanner fe ddaeth yr ymwelwyr yn ôl wrth i Martin Rose (63) a Lee John (65) sgorio o fewn dau funud i'w gilydd.

Ond roedd dwy gôl gan yr eilydd Toby Jones o fewn 10 munud i ddod ar y cau yn golygu mai'r tîm cartref oedd yn fuddugol.

Does 'na ddim newid i leoliad y ddau dîm yn y tabl ond mae Castell-nedd bellach ddau bwynt yn is na Llanelli sydd un safle yn uwch na nhw.

Dydi Castell-nedd ddim wedi colli eu 10 gêm diwethaf.

Nos Iau

Castell-nedd 3-2 Port Talbot

Ionawr 12 2012