Marwolaeth 'ddim yn amheus'

Published

Mae'r heddlu wedi datgan nad oedd marwolaeth person gafodd ei ganfod ym maes parcio yn Sir Benfro yn un amheus.

Cafwyd hyd i'r corff ym maes parcio Freshwater West yn Sir Benfro tua 6.30am ddydd Mercher.

Cafodd y ffordd i mewn ac allan o'r pentre' ei chau er mwyn hwyluso ymchwiliad yr heddlu.

Dywed Heddlu Dyfed-Powys eu bod yn aros am ganlyniadau cofnodion deintyddol i adnabod y corff.

Dylai unrhyw un â gwybodaeth ffonio'r heddlu ar 101 yn lleol.

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol