Llygredd: Rhyddhau ar fechnïaeth

Mae dyn o Gaerdydd ymhlith pump gafodd eu harestio ar amheuaeth o lygredd a phrosesu arian anghyfreithiol.

Cafodd y dyn ei arestio yn ei gartref yng Nghaerdydd gan aelodau Adran Dwyll y Weinyddiaeth Amddiffyn ar Hydref 6.

Mae'r pum dyn wedi cael eu rhyddhau ar fechnïaeth yr heddlu wrth i ymholiadau barhau.

Arestiwyd dyn o Bury St Edmunds yn Lloegr a dyn o Leven yn yr Alban yr un diwrnod.

Cafodd dau o Bury St Edmunds eu harestio gan blismyn yn ddiweddarach ym mis Hydref.

Dywedodd llefarydd ar ran y Weinyddiaeth Amddiffyn fod y pump wedi eu harestio ar amheuaeth o lygredd a phrosesu arian anghyfreithiol ynglŷn â chytundebau adeiladu'r Weinyddiaeth Amddiffyn ac aelodau'r Llu Cymorth Diogelwch Rhyngwladol yn Afghanistan.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.