Buddugoliaeth i Wrecsam

Published
image copyrightOther

Tamworth 1-2 Wrecsam

Mae Wrecsam yn ôl ar frig Uwchgynghrair Blue Square ar ôl iddynt guro Tamworth o ddwy gôl i un brynhawn Sadwrn.

Aeth Wrecsam ar y blaen wedi dim ond pum munud diolch i gôl Jamie Tolley.

A chyn pen hanner awr, roedd y fantais wedi ei dyblu wrth i Jake Speight rwydo i'r ymwelwyr.

Stori wahanol oedd hi wedi'r egwyl, ac fe ddaeth Tamworth yn ôl o fewn un gôl diolch i Callum Wilson.

Hon oedd yr unig gêm i gael ei chwarae yn Uwchgynghrair Blue Square Bet ddydd Sadwrn, gan fod gweddill timau'r adran yn chwarae yn Nhlws yr FA.

Er hynny fe gafodd gêm Casnewydd yn y tlws yn Worksop ei gohirio am fod y cae wedi rhewi.

Tabl Uwchgynghrair Blue Square Bet

Ionawr 14, 5.15 pm