Cwpan Her: Perpignan 27-13 Dreigiau

Aled Brew Image copyright Huw Evans picture agency
Image caption Sgoriodd Aled Brew gais gwych i godi gobeithion y Dreigiau

Collodd y Dreigiau am y trydydd tro'n olynol yng Nghwpan Her Amlin er gwaethaf perfformiad dewr yn Perpignan.

Y tîm cartref oedd yn rheoli'n llwyr yn yr hanner cyntaf gyda phum cic gosb gan Porical Jerome yn rhoi mantais o 15-3 iddyn nhw ar yr egwyl.

Ond fe darodd y Dreigiau yn ôl wedi'r egwyl gyda chais gwych gan Aled Brew a throsiad Matthew Jones.

Croesodd Charles Geli am gais i adfer y fantais i Perpignan yn syth wedi i Rob Sidoli weld cerdyn melyn, ac er i ddau o chwaraewyr Perpignan ymuno gydag ef yn y cell cosb yn fuan wedyn, methodd y Dreigiau a manteisio.

Fe sgoriodd Robins Tchale-Watchou yn y funud olaf i wrthod pwynt bonws i'r Dreigiau.

CWPAN HER AMLIN - GRŴP 4
Tîm Ch. E. Pwyntiau
Caerwŷsg 5 4 19
Perpignan 5 4 18
DREIGIAU 5 2 10
Prato 5 0 0