BBC Cymru Fyw

Teulu'n rhoi teyrnged

Published
image copyrightOther
image captionRoedd Kathryn Bartlett yn 44 oed
Mae teyrngedau wedi eu rhoi i fenyw fu farw wedi damwain ffordd yn Abercynon ddydd Gwener.
Dywedodd teulu Kathryn Bartlett, 44 oed, o Aberdâr, fod bwlch mawr yn eu bywydau.
Roedd ei char coch Vauxhall Astra mewn gwrthdrawiad â fan Peugeot gwyn ger Cylchfan Abercynon ar yr A470.
Mae dyn oedd yn teithio yn y fan mewn cyflwr difrifol yn yr ysbyty.
"Byddai Kathryn yn fodlon helpu unrhyw un - roedd hi o hyd yn gwenu," meddai datganiad ar ran y teulu.
Digwyddodd y gwrthdrawiad am 6.40am.
Roedd y fan yn teithio o'r cylchfan i gyfeiriad Aberdâr ac roedd car Ms Bartlett yn teithio i'r cyfeiriad arall.
Aed â thri o bobl i Ysbyty Tywysog Charles ym Merthyr, gan gynnwys gyrrwr 21 oed y fan gafodd fân anafiadau.
Dylai unrhyw un â gwybodaeth ffonio 101 neu Taclo'r Tacle ar 0800 555111, gan gyfeirio at gyfeirnod 013198.