Trenau: Oedi yn dilyn damwain

  • 23 Ionawr 2012

Mae oedi i wasanaethau trên ac mae ffordd wedi'i chau wedi i lori daro clwyd croesfan yn Sir Gâr.

Dywed Heddlu Dyfed-Powys bod ffordd y B4327, Stryd Sant Ioan yn Hendy-gwyn ar Daf, yn debygol i fod ynghau rhwng Stryd y Santes Fair a Ffordd Felffre fore Llun.

Digwyddodd y ddamwain tua 6:30pm ddydd Sul.

Dywed yr heddlu fod cwmni Trenau Arriva Cymru fod oedi i'w gwasanaethau trên oherwydd difrod i'r groesfan.

Bu gwrthdrawiad rhwng trên a lori wair ar groesfan yn Llanboidy - bum milltir o Hendy-gwyn ar Daf - ym mis Rhagfyr y llynedd.

Cafodd pump o bobl eu trin yn yr ysbyty am anafiadau mân yr adeg hynny.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.