BBC Cymru Fyw

Dau ffrind wedi marw'n ddamweiniol oddi ar arfordir Môn

Published
image copyrightOther
image captionRoedd Lewis Darroch a Callum Mackay wedi bod yn pysgota

Cafodd cwest ei gynnal ar ôl i ddau ffrind foddi oddi ar arfordir Ynys Môn y llynedd.

Fe wnaeth y crwner gofnodi rheithfarn o farwolaeth ddamweiniol ar Callum MacKay a Lewis Darroch.

Cafwyd hyd i gyrff y ddau, a oedd yn 22 oed, yn y môr.

Roedd y ddau wedi mynd i drafferthion yn y môr ym Mhorth Trecastell, i'r de o Rosneigr ar Awst 24 2011.

Roedd y ddau ffrind wedi mynd i bysgota.

Y gred yw bod un o'r dynion wedi mynd i nofio yn y môr a bod y llall wedi ceisio ei helpu pan aeth i drafferth.

Cafodd Mr Darroch ei achub o'r môr ar y nos Fercher ond bu farw erbyn cyrraedd yr ysbyty.

Bu Mr MacKay ar goll yn y môr am dros wythnos.

Clywodd y cwest yn Llangefni ddydd Mawrth bod Lewis Darroch wedi ei enwebu am wobr dewder wedi ei farwolaeth gan Sefydliad Carnegie.