Llywodraeth yn ystyried parlwr godro dadleuol

Published
image copyrightBBC news grab
image captionY cynllun yw codi'r parlwr godro ar fferm Lower Leighton Farm yn Nhre'r Llai

Fe fydd Llywodraeth Cymru yn penderfynu dyfodol parlwr godro dadleuol.

Bwriad y ffermwr Fraser Jones yw codi parlwr godro ar gyfer 1,000 o wartheg yn Nhre'r Llai ger Y Trallwng.

Ym mis Tachwedd dywedodd Pwyllgor Cynllunio Cyngor Powys eu bod yn "dueddol o gymeradwyo'r cais" ar sail adroddiad am "faterion yn weddill".

Ond mae nifer o grwpiau yn gwrthwynebu'r datblygiad, gan gynnwys mudiadau lles anifeiliaid.

Dywedodd Mr Jones ei fod yn synnu ac yn siomedig oherwydd y datblygiad diweddara'.

Y llynedd honnodd Compassion in World Farming fod y cynlluniau yn ffurf ar ffermio ffatri.

Mae'r ffermwr wedi gwadu hyn ac wedi dweud y bydd iechyd a lles yr anifeiliaid yn cael eu monitro'n gyson.

'Yn obeithiol'

image copyrightBBC news grab
image captionFraser Jones insists the animals' health would be constantly monitored

Dywedodd y byddai'r gwartheg yn y parlwr am 250 niwrnod y flwyddyn a'i fod wedi treulio tair blynedd ar y cynllun.

"Dwi'n obeithiol y bydd Llywodraeth Cymru yn sylweddoli nad oes 'na risg amgylcheddol na materion eraill fydd yn gallu rhwystro'r cynllun rhag mynd yn ei flaen.

"Dyna oedd teimlad y cynghorwyr ar ôl mynd i'r safle."

Ychwanegodd ei fod wedi bod yn "gwbl agored ac onest" gyda phawb yn ystod y broses, gan gynnwys Asiantaeth yr Amgylchedd oedd, meddai, yn fodlon ar y cynllun.

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol