Kit Symons i gynorthwyo Chris Coleman efo Cymru

Kit Symons Image copyright Getty Images
Image caption Mae Kit Symons yn hyfforddwr academi yn Fulham

Mae rheolwr pêl-droed newydd Cymru wedi dweud y bydd ei gyn-gydaelod yn nhîm Cymru, Kit Symons, yn rhan o'i dîm hyfforddi.

Ar hyn o bryd mae Symons, 40 oed, yn hyfforddwr academi gyda Fulham.

Cafodd Coleman ei benodi yn rheolwr yr wythnos diwethaf i olynu'r diweddar Gary Speed fu farw ym mis Tachwedd.

Dydi Coleman ddim wedi siarad eto â Raymond Verheijen, un o ddau is-hyfforddwr Speed.

Mae disgwyl i Osian Roberts, yr is-hyfforddwr arall, barhau gyda charfan Cymru.

Llwyddodd y ddau gyda Speed i ennill pum buddugoliaeth o'r 10 gêm.

48fed

Am y tro cyntaf ers mis Ebrill 2003 mae Cymru yn 50 ucha rhestr detholion Fifa, yn 48fed.

Rhoddodd Symons y gorau i chwarae pêl-droed yn 2005 ar ôl ennill 37 cap i Gymru.

Mae disgwyl iddo gael ei benodi yr wythnos nesaf.

"Yn sicr, mae'n gwneud gwaith gwych yn Fulham ar hyn o bryd gyda'r rhai dan 18 oed," meddai Coleman.

"Maen nhw ar frig eu cynghrair ac mae gan bobl barch tuag ato yn Fulham."

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.