BBC Cymru Fyw

Ymchwilio i lofruddiaeth wedi tân ym Mhentyrch, Caerdydd

Published
image copyright(C) British Broadcasting Corporation
image captionYr heddlu yn ymchwilio ym Mhentyrch, Caerdydd
Mae'r heddlu yn parhau i holi dyn 18 oed gafodd ei arestio ar amheuaeth o lofruddiaeth ar ôl i unigolyn farw mewn tŷ ym Mhentyrch, Caerdydd.
Dywed Heddlu De Cymru eu bod wedi cael eu galw i'r tŷ yng Nghefn Bychan gan y gwasanaeth tân am 3.02am ddydd Gwener.
Mae ystafell ymchwilio wedi'i sefydlu yng ngorsaf Heddlu Canolog Caerdydd.
Dywed yr heddlu nad oed mwy o wybodaeth am yr unigolyn fu farw ar hyn o bryd.
Cafodd diffoddwyr eu galw o'r Eglwys Newydd a Phontypridd i ddiffodd y fflamau yn y byngalo yn y pentref am 2.37am ddydd Gwener.
Dylai unrhyw un â gwybodaeth ffonio'r heddlu ar 101 neu Taclo'r Tacle ar 0800 555 111.