Bangor ar frig Uwchgynghrair Cymru

Cafodd nifer o gemau eu gohirio dros y Sul yn sgil y tywydd oer ond fe gafodd ddwy gêm eu cynnal brynhawn dydd Sadwrn pan groesawodd Bangor Brestatyn i Nantporth a heriodd Y Seintiau Newydd Gastell-nedd.

Llwyddodd Castell-nedd i guro'r Seintiau o ddwy gôl i un yn Y Dreflan.

Y tîm cartref sgoriodd gôl gynta'r ornest pan rwydodd Greg Draper i'r Seintiau Newydd wedi tair munud o'r ail hanner.

Ond fe ddaeth Castell-nedd yn gyfartal pum munud yn ddiweddarach pan rwydodd Lee Trundle.

Maes newydd

Cipiodd yr ymwelwyr y tri phwynt pan sgoriodd Jack Lewis wedi 61 munud.

Roedd yna amheuaeth am y gêm rhwng Bangor a Phrestatyn yn Nantporth ond aeth y gêm yn ei blaen yn dilyn archwiliad o'r cae yn ystod y bore.

Hon oedd gêm gynghrair gyntaf y clwb ar y maes newydd.

Yr ymwelyr sgoriodd gôl gynta'r gêm pan rwydodd Gibson wedi 21 munud ond fe ddaeth Bangor yn gyfartal 16 munud yn ddiweddarach pan sgoriodd Wilson.

Cipiodd Bangor y pwyntiau pan rwydodd Davies wedi 11 munud o'r ail hanner.

CANLYNIADAU

Nos Wener

Lido Afan v Aberystwyth - Gohiriwyd

Dydd Sadwrn

Bala v Llanelli - Gohiriwyd

Y Drenewydd v Caerfyrddin - Gohiriwyd

Seintiau Newydd 1 Castell-nedd 2

Bangor 1-1 Prestatyn - Hanner amser

Dydd Sul

Airbus UK Brychdyn v. Port Talbot - Gohiriwyd

TABL UWCHGYNGRHAIR CYMRU

Chwefror 4 2012