Dathlu gwaith naddwraig a storïwr

Image copyright Other
Image caption Bydd agoriad swyddogol arddangosfa o waith Mabel Pakenham-Walsh yn cael ei gynnal nos Sadwrn

Mae Amgueddfa Ceredigion yn cynnal arddangosfa o waith yr artist Mabel Pakenham-Walsh.

Bydd agoriad swyddogol arddangosfa o'i gwaith yn cael ei gynnal nos Sadwrn, Chwefror 11 am 7.30pm gyda pherfformiad gan y 'Goblin Doctors'.

Yn naddwraig, crefftwraig a drafftsmon sy'n byw yn Aberystwyth, mae Mabel hefyd yn adnabyddus fel storïwr.

Mae wedi rhoi ei harchif o gardiau post a llythyrau i Amgueddfa Ceredigion a Llyfrgell Genedlaethol Cymru, ynghyd â chasgliad o gerfiadau pren sy'n cael eu harddangos i'r cyhoedd yn barhaol yng Nghanolfan Hamdden Plascrug, Aberystwyth.

Bydd yr arddangosfa'n cynnwys darluniau diweddar gan yr arlunydd a gemwaith alwminiwm cain, a bydd modd prynu'r rheini hefyd.

Wrth agor yr arddangosfa bydd Amgueddfa Ceredigion hefyd yn lansio catalog Mabel Pakenham-Walsh - 'Trem yn Ôl'.

Lluniwyd y catalog gyda chymorth Christine Szinner, ymchwilydd preswyl yn Ysgol Gelf Aberystwyth.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.