Cadw dyn 42 oed yn y ddalfa wedi ei gyhuddo o lofruddiaeth

Published
image copyrightOther
image captionCafodd corff Kelvin Jones ei ddarganfod fore Sul

Roedd dyn 42 oed yn Llys Ynadon Caernarfon fore Mercher wedi ei gyhuddo o lofruddio dyn ym Mangor dros y penwythnos.

Mae David Anthony Swift, heb gyfeiriad sefydlog, yn y ddalfa cyn ymddangos yn Llys y Goron Caernarfon yn ddiweddarach ddydd Mercher.

Bu farw Kelvin Jones, 43 oed ac yn wreiddiol o Ynys Môn, ym Mangor Uchaf wedi ymosodiad yn Sgwâr Britannia yn gynnar fore Sul.

Cafwyd hyd i'w gorff am 3am.

Mae dyn 36 oed a dynes 27 oed gafodd eu harestio wedi cael eu rhyddhau'n ddi-gyhuddiad.

Mae dynes 25 oed wedi cael ei rhyddhau ar fechnïaeth wrth i'r heddlu barhau i ymchwilio.

Dylai unrhyw un â gwybodaeth ffonio'r heddlu ar 101 neu Taclo'r Tacle'n ddienw ar 0800 555 111.

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol