Buddugoliaeth i'r Dreigiau yn erbyn Caeredin

Dreigiau Gwent 21-10 Caeredin

Yn ei 100fed gêm dros ranbarth Dreigiau Gwent cafodd yr asgellwr rhyngwladol Aled Brew gais allweddol ym muddugoliaeth y tîm cartref dros Gaeredin.

Yr ymwelwyr â Rodney Parade aeth ar y blaen yn gynnar gyda Phil Godman yn llwyddo gyda chic gosb.

Ond fe wnaeth Jason Tovey ergydio ddwywaith i'r tîm cartref cyn i Joe Bedford gael cais cyntaf y gêm.

Llwyddodd Tovey i drosi ac roedd y tîm cartref ar y blaen wedi cais Brew o 18-3 ar yr hanner.

Wedi'r egwyl fe roddodd Grant Gilchrist obaith i'r ymwelwyr gyda chais ac fe wnaeth Gregor Hunter ei throsi.

Ond fe ychwanegodd Tovey gic gosb arall cyn y chwiban olaf.

Fe allai Brew, a fydd yn gadael Cymru am Biarritz ar ddiwedd y tymor, fod wedi ychwanegu mwy o bwyntiau i'r tîm cartref.

TABL RABODIRECT PRO 12

Chwefror 18 2012