BBC Cymru Fyw

Achub dynes wedi i'w char blymio i lawr llethr ger Y Bala

Published

Mae dynes wedi ei hachub, ar ôl i'w char blymio i lawr llethr ar ffordd wledig yng Ngwynedd.

Fe ddigwyddodd y ddamwain ar yr A494 yng Nghefnddwysarn ger Y Bala toc cyn 9am ddydd Sul.

Yn ôl adroddiadau fe wnaeth y car blymio i lawr tua 15 troedfedd oddi ar yr A494.

Cafodd diffoddwyr tân o'r Bala a Chorwen eu galw i'r safle.

Does dim manylion am gyflwr y ddynes.