Dod o hyd i fenyw ar goll

Image copyright Other

Image caption Roedd yr heddlu wedi dweud ei bod hi efallai wedi lliwio'i gwallt yn ddu

Mae'r heddlu wedi dod o hyd i Americanes 32 oed nad oedd neb wedi ei gweld ers Ionawr 4.

Daethpwyd o hyd i Kathryn Barnes yn iach yn Mount Pleasant, Abertawe, nos Wener, Chwefror 17.

Dywedodd yr heddlu yr hoffen nhw ddiolch i'r cyhoedd a'r cyfryngau.

Roedd y fenyw 32 oed o Ohio wedi bod yn aros mewn amryw leoedd yn Abertawe, Pontardawe ac Aberdaugleddau ers wythnosau.

Ar un adeg dywedodd ei mam Lisa Schoonover fod ei diflaniad yn "frawychus" a bod ei theulu ar bigau'r drain.

Cyrhaeddodd Ms Barnes, sy'n cael ei hadnabod fel Kate, y DU ar Dachwedd 8.