Plaid Cymru yn anfon papurau pleidleisio ar gyfer arweinydd

Ymgeiswyr am arweinyddiaeth Plaid Cymru yw Dafydd Elis Thomas, Elin Jones a Leanne Wood Image copyright Other
Image caption Ymgeiswyr arweinyddiaeth Plaid Cymru: Dafydd Elis Thomas, Elin Jones a Leanne Wood

Fe fydd y papurau pleidleisio ar gyfer dewis arweinydd newydd Plaid Cymru yn cael eu hanfon i'r aelodau.

Rhwng dydd Iau a chanol mis Mawrth fe fydd yr aelodau yn dewis rhwng tri ymgeisydd i olynu Ieuan Wyn Jones.

Eisoes mae'r tri, Yr Arglwydd Dafydd Elis-Thomas, Elin Jones a Leanne Wood, wedi bod yn dadlau eu hachos mewn cyfres o gyfarfodydd.

Fe fydd y tri mewn cyfarfod yng Nghastell-nedd nos Iau.

Pedwar oedd yn y ras i ddechrau.

Ond dim ond tri enw sydd ar y papur pleidleisio wedi i Simon Thomas dynnu'n ôl yn gynharach yn y mis.

Mae gan 8,000 o bobl hawl i bleidleisio.

Eisoes mae nifer wedi cael cyfle i'w holi ac i glywed eu safbwyntiau ar yr economi, iechyd, annibyniaeth a chryfderau eu gwrthwynebwyr.

Mewn etholiad lle gallai ail ddewis yr aelodau arwain at ethol yr enillydd, mae nifer yn disgwyl ras agos ond yn dadlau y bydd y sawl ddaw i'r brig yn cael cefnogaeth lwyr y ddau arall.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.