Llofruddiaeth: Cadw yn y ddalfa

Cafodd corff Kelvin Jones ei ddarganfod ar ddydd Sul Chwefror 12 eleni

Mae'r dyn sydd wedi ei gyhuddo o lofruddio dyn ym Mangor yn gynharach ym mis Chwefror wedi ymddangos gerbron llys.

Ymddangosodd David Anthony Swift, 42 oed, heb gyfeiriad sefydlog, gerbron Llys y Goron Caernarfon.

Cafodd ei gadw yn y ddalfa gan y Barnwr Merfyn Hughes a bydd yn ymddangos gerbron llys eto ar Ebrill 20.

Bu farw Kelvin Jones, 43 oed ac yn wreiddiol o Ynys Môn, ym Mangor Uchaf wedi ymosodiad yn Sgwâr Britannia yn ystod oriau mân y bore ar ddydd Sul Chwefror 12.