Anaf 'difrifol' wedi gwrthdrawiad

Mae Heddlu Dyfed-Powys yn apelio am wybodaeth wedi i yrrwr gael ei anafu'n ddifrifol mewn gwrthdrawiad rhwng dau gar.

Fe ddigwyddodd tua 2:15pm ddydd Llun, ar ffordd y B4288 rhwng Trefaldwyn a Ffordun.

Yn ôl y Cwnstabl Marcus Wright, o'r uned plismona ffyrdd: "Roedd dau gerbyd wedi taro yn erbyn ei gilydd, Ford Mondeo lliw arian a Volvo glas.

"Cafodd y ddau yrrwr eu cludo i Ysbyty Brenhinol Amwythig, gyda gyrrwr y Volvo yn cael ei ryddhau ychydig yn ddiweddarach.

"Bu'n rhaid trosglwyddo gyrrwr y Mondeo i Ysbyty'r Frenhines Elizabeth yn Birmingham yn syth, gydag anafiadau difrifol i'w goes."

Mae'r heddlu yn apelio ar i unrhyw un sydd â gwybodaeth am y gwrthdrawiad i gysylltu â gorsaf heddlu'r Drenewydd ar 101.