Chwilota am lyfr ar ddiwrnod arbennig

Pecynau gan Llenyddiaeth Cymru Image copyright Other
Image caption Gellir canfod un o'r pecynau yma drwy ddilyn Llenyddiaeth Cymru

Mae Diwrnod y Llyfr eleni yn bwysicach nag arfer wrth iddo ddigwydd ar Ddydd Gŵyl Dewi ac mae 'na anrhegion i'w canfod ar hyd a lled Cymru.

Mewn dros 100 o wledydd ar draws y byd mae plant ac oedolion yn dod at ei gilydd i ddathlu awduron, darlunwyr, a'r swyn o ddarllen llyfrau.

Bydd llond gwlad o ddigwyddiadau yn cael eu cynnal wrth i blant wisgo fel cymeriadau o fyd llyfrau a chyfnewid hoff nofelau.

Caiff y diwrnod ei ddynodi gan UNESCO fel diwrnod rhyngwladol i ddathlu'r llyfr.

Dyma'r 15fed flwyddyn i'r dathliad ddigwydd.

Gan ei fod ar Ddydd Gŵyl Dewi eleni, mae Llenyddiaeth Cymru am ddilyn esiampl y nawddsant ac am wneud rhywbeth bach i blesio darllenwyr Cymru gyfan.

Cuddio

Mae Llenyddiaeth Cymru wedi dosbarthu cannoedd o lyfrau wedi eu lapio mewn papur brown a chortyn ledled Cymru.

Maen nhw'n cuddio mewn corneli ac yn aros yn eiddgar i gael eu darganfod a'u darllen.

Er mwyn dod o hyd i'r llyfrau mae angen dilyn Llenyddiaeth Cymru ar Twitter (@LlenCymru) neu ar Facebook (Llenyddiaeth Cymru / Literature Wales).

Image copyright Other
Image caption Un o'r sêr rygbi sy'n hybu darllen yw George North

Dau o sêr rygbi Cymru, George North a Rhys Priestland, sydd i'w gweld yn darllen ar bosteri'r diwrnod.

Mae dros 15,000 o bosteri o'r ddau wedi eu dosbarthu ar draws Cymru.

"Mae darllen yn sgil pwysig ar gyfer pa bynnag swydd y byddwch chi'n ei ddewis," meddai North.

"Mae hefyd yn ffordd wych o ymlacio ar ôl diwrnod caled o hyfforddi.

"Fel chwaraewr proffesiynol dwi'n dal i fwynhau darllen cylchgronau rygbi ac adroddiadau.

"Dwi hefyd yn mwynhau darllen llyfrau antur."

Dywedodd Delyth Humphreys, Cyd-lynydd Diwrnod y Llyfr Cymru, ei bod yn falch o gael cefnogaeth y ddau chwaraewr.

"Mae diwrnod y llyfr yn dathlu pwysigrwydd darllen o gylchgronau i bapurau newydd ar y we neu lyfrau.

"Mae'n cael effaith ar ein bywyd bob dydd.

"Mae'n bwysig bod yr ieuenctid yn cael eu hysbrydoli gan rai fel Rhys a George."

Mae dros 15,000 o bosteri o'r ddau wedi eu dosbarthu ar draws Cymru.

"Mae darllen yn sgil pwysig ar gyfer pa bynnag swydd y byddwch chi'n ei ddewis," meddai North.

"Mae hefyd yn ffordd wych o ymlacio ar ôl diwrnod caled o hyfforddi.

"Fel chwaraewr proffesiynol dwi'n dal i fwynhau darllen cylchgronau rygbi ac adroddiadau.

"Dwi hefyd yn mwynhau darllen llyfrau antur."

Dywedodd Delyth Humphreys, Cyd-lynydd Diwrnod y Llyfr Cymru, ei bod yn falch o gael cefnogaeth y ddau chwaraewr.

"Mae diwrnod y llyfr yn dathlu pwysigrwydd darllen o gylchgronau i bapurau newydd ar y we neu lyfrau.

"Mae'n cael effaith ar ein bywyd bob dydd.

"Mae'n bwysig bod yr ieuenctid yn cael eu hysbrydoli gan rai fel Rhys a George."

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.