Tân difrifol mewn tŷ yn Abertawe

Mae Gwasanaeth Tân ac Achub Canolbarth a Gorllewin Cymru wedi bod yn ceisio taclo tân difrifol mewn tŷ yn ardal Bonymaen yn Abertawe.

Cafodd tair injan dân - o Dreforys, Canol Abertawe a Gorllewin Abertawe - eu hanfon i'r digwyddiad ar Ffordd Myrddin wedi iddyn nhw gael eu galw am 7.50am fore Gwener.

Erbyn 9:05am roedd y rhan fwyaf o'r diffoddwyr wedi gadael y safle.

Daeth cadarnhad gan y Gwasanaeth Tân na chafodd neb anaf yn y digwyddiad.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.