Cyhuddo dyn o lofruddiaeth yn Rhymni

Mae dyn 65 oed wedi bod gerbron llys ddydd Gwener ar gyhuddiad o lofruddio ei gymydog.

Cyhuddwyd David Cook o ladd Len Hill, 64 oed.

Clywodd y gwrandawiad y byddai Mr Cook o Rymni, Sir Caerffili, yn sefyll ei brawf yn Llys y Goron Casnewydd ym mis Ebrill.

Mae disgwyl i'r achos bara am hyd at dair wythnos.

Cafodd plismyn eu galw i dŷ yn Nhan-y-bryn, Rhymni, ym mis Mehefin y llynedd.

Ar ôl cyrraedd y tŷ, fe ddaethon nhw o hyd i gorff.

Mae Comisiwn Cwynion Annibynnol yr Heddlu yn ymchwilio i sut y deliodd yr heddlu â'r achos.