Wigan 0 Abertawe 2

Sigurdsson Image copyright (C) British Broadcasting Corporation
Image caption Sgoriodd Gylfi Sigurdsson ddwy gôl

Mae Abertawe wedi trechu Wigan o 2-0 wrth geisio diogelu eu lle yn yr Uwchgynghrair.

Sgoriodd Gylfi Sigurdsson ddwy gôl, un arbennig o 20 llath ychydig cyn yr egwyl a chic rydd drawiadol o 25 llath. Doedd dim gobaith caneri gan y golgeidwad, Ali Al Habsi.

Hon oedd eu trydedd buddugoliaeth oddi cartre.

Dangosodd yr Elyrch eu bod yn llawn hyder, yn llawn cymeriad wrth basio'r bêl yn sydyn a chreu cyfleoedd.

Ond roedd Wigan yn siomedig iawn. Dim ond unwaith y maen nhw wedi ennill gartre yn Stadiwm DW y tymor hwn.

Cafodd Nathan Dyer o Abertawe ei anfon o'r cae ar ôl awr.

TABL YR UWCHGYNGHRAIR
Gemau Gwahaniaeth Goliau Pwyntiau
1. Man City 27 +50 66
2. Man United 27 +39 64
3. Tottenham 27 +19 53
4. Arsenal 27 +17 49
-----------------------------------------------------------------------------------------
14.ABERTAWE 27 -4 33

Straeon perthnasol