Oedi cyn cyhoeddi adroddiad pwerau

Cheryl Gillan Image copyright bbc
Image caption Dywedodd Cheryl Gillan fod y comisiwn wedi gofyn am estyniad cyn cyhoeddi'r adroddiad llawn

Bydd oedi o hyd at flwyddyn cyn cyhoeddi adroddiad llawn am bwerau'r Cynulliad yng Nghymru, medd llywodraeth y DU.

Fe lansiodd Ysgrifennydd Cymru, Cheryl Gillan, gomisiwn datganoli y llynedd i ystyried a ddylid rhoi mwy o bwerau i Gymru.

Roedd y rhan gynta yn ystyried a ddylai Bae Caerdydd gael mwy o bwerau dros drethu ac mae disgwyl cyhoeddiad yn yr hydref.

Ond ni fydd ail ran yr adroddiad - oedd i fod i gael ei chyhoeddi'r flwyddyn nesaf - yn barod tan 2014.

'Estyniad'

Mewn datganiad dywedodd Mrs Gillan: "Bydd ail gymal y comisiwn yn ystyried pwerau'r Cynulliad Cenedlaethol ac a oes angen argymell newidiadau allai wella'r trefniadau presennol.

"Mae'r comisiwn wedi gofyn am fwy o amser o ran adrodd yn ôl ei argymhellion mewn perthynas â chymal dau.

"Rwyf wedi cytuno i'r cais ac fe fydd y comisiwn felly'n cyhoeddi canlyniadau yr ail ran erbyn gwanwyn 2014 yn hytrach nag 2013, gan ei alluogi i roi ystyriaeth lawnach i'r setliad datganoli yng Nghymru."

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.