Noson siomedig i nofwyr Cymru

Mae Jazz Carlin yn dioddef gyda salwch

Ni fydd Jazz Carlin o Abertawe yn cystadlu yn rownd derfynol y ras 800 metr ym mhencampwriaethau Prydain nos Wener oherwydd salwch.

Ac mae hi wedi bod yn noson siomedig i ddau Gymro arall, Ieuan Lloyd a Marco Loughran nos Iau, y ddau yn colli eu rasus nhw.

Ond mae'r Gymraes Georgia Davies wedi sicrhau ei lle yn rownd derfynol y ras dau can metr dull cefn i fenywod ddydd Gwener.

Yn y pwll Olympaidd yn Llundain nos Fercher, fe ddaeth Jemma Lowe o Abertawe yn ail yn y ras dros 200 metr yn y dull Pili Pala.