BBC Cymru Fyw

Dyn mewn cyflwr difrifol wedi gwrthdrawiad yn Abergele

Published

Mae dyn yn yr ysbyty mewn cyflwr difrifol ar ôl gwrthdrawiad rhwng dau gerbyd ar gyrion Abergele.

Dywedodd Heddlu Gogledd Cymru bod y gwrthdrawiad wedi digwydd ar yr A457 rhwng car BMW du a fan Vauxhall gwyn.

Aed â phedwar o bobl i Ysbyty Glan Clwyd ym Modelwyddan ar ôl y gwrthdrawiad ddigwyddodd am 2.15pm ddydd Iau.

Mae Heddlu Gogledd Cymru yn apelio ar unrhyw un sydd â gwybodaeth am yr hyn ddigwyddodd i gysylltu gyda PC Lightfoot yn yr uned rheoli traffig ar 101.