Cerddwr yn syrthio

Mae cerddwr yn gwella yn yr ysbyty wedi iddo ddioddef anafiadau i'w ben a'i goesau ar ôl syrthio oddi ar glogwyn yn Eryri.

Roedd y dyn o Gilgwri, sydd yn ei bumdegau hwyr, yn cerdded gyda'i wraig a chwpl arall ger copa Glyder Fach ddydd Sul pan gwympodd 30 troedfedd (9 metr).

Llwyddodd aelodau o Dîm Achub Mynydd Dyffryn Ogwen i'w gludo i hofrennydd.

Aed â'r dyn i Ysbyty Gwynedd ym Mangor.

Cafodd Tîm Achub Mynydd Dyffryn Ogwen eu galw am 12.15pm ddydd Sul.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.