Y Seintiau yn ôl ar y brig

Cyhoeddwyd
Ffynhonnell y llun, Not Specified

Castell-nedd 0-1Y Seintiau Newydd

Mae'r Seintiau Newydd yn ôl ar frig Uwchgynghrair Cymru ar ôl curo Castell-nedd 1-0.

Scott Ruscoe sgoriodd i'r ymwelwyr ar ôl 82' o funudau.

Cafodd Chris Jones o Gastell-nedd ei anfon o'r 53 munud ar ôl ei ail gerdyn melyn.

Llanelli 1-2 Y Bala

Ian Sheridan (21 munud) a Marc Connolly (45'+1) sgoriodd dwy gôl Y Bala i sicrhau buddugoliaeth yn Llanelli, y tîm sydd un safle yn uwch yn yr uwchgyngrhair.

Er i Danny Williams roi'r bêl drwy rwyd ei hun yn yr ail hanner doedd hynny ddim yn ddigon i'r tîm cartref.

Caerfyrddin 3-2 Y Drenewydd

Yn yr unig gêm arall i'w chwarae dydd Sadwrn roedd yna fuddugoliaeth 3-2 i Gaerfyrddin.

Roedd yr ymwelwyr 2-1 ar y blaen 19 munud cyn diwedd y gêm diolch i goliau Luke Boundford (31' a 71').

Roedd Paul Fowler wedi rhoi Caerfyrddin ar y blaen yn gynnar yn y gêm cyn i Boundford darro.

Fe wnaeth Dan MacDonald ddod a'r sgor yn gyfartal ar ôl 75 munud, gyda Fowler sgorio ei ail, a'r gôl fuddugol ar ôl 86 munud.

Nos Wener

Aberystwyth 1-1 Afan Lido

Prestatyn 0-4 Bangor

Dydd Sul

Port Talbot v Airbus UK (2.30pm)

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol