Taro a ffoi: Merch yn yr ysbyty

19 Mawrth 2012

Mae'r heddlu'n ymchwilio am nad oedd gyrrwr wedi stopio wedi i'w gar daro merch oedd ar ei ffordd i'r ysgol.

Aed â'r ferch 12 oed i Ysbyty Tywysog Philip yn Llanelli wedi'r ddamwain yn Heol y Twnnel yn y dre fore Llun.

Roedd anafiadau i'w phen a chafodd driniaeth oherwydd effeithiau sioc.

Dywedodd yr heddlu eu bod yn chwilio am "ddyn byr a thew â gwallt llwyd oedd yn gyrru car arian".

Dylai unrhyw â gwybodaeth ffonio 101.