Corff: Menyw ar fechnïaeth
- Cyhoeddwyd
Daethpwyd o hyd i'r corff am 6.14am fore Llun
Mae menyw 33 oed gafodd ei harestio ar amheuaeth o lofruddio wedi cael ei rhyddhau ar fechnïaeth yr heddlu.
Daethpwyd o hyd i gorff dyn 38 oed yn ardal Brynmill, Abertawe, am 6.14am fore Llun.
Dywedodd yr heddlu eu bod yn ymchwilio i "farwolaeth anesboniadwy".
Cafodd ystafell ymchwilio ei sefydlu yng Ngorsaf Heddlu Cocyd ac mae archwiliad post mortem wedi cael ei gynnal.
Dylai unrhywun â gwybodaeth ffonio'r heddlu ar 01792 562732 neu Taclo'r Tacle'n ddienw ar 0800 555 111.
Dolenni perthnasol ar y we
Dyw'r BBC ddim yn gyfrifol am gynnwys gwefannau allanol