Tân: Llosgiadau difrifol

Mae dyn wedi dioddef llosgiadau difrifol yn dilyn tân mewn ysgol ddawnsio yng Ngheredigion nos Fawrth.

Cafodd diffoddwyr tân eu galw i Ysgol Ddawnsio Aberteifi yn y dref tua 5.20pm.

Y gred yw bod y tân wedi dechrau mewn fflat ar ail lawr yr adeilad yn Park Place.

Bu'n rhaid i bedwar diffoddwr tân ddefnyddio cyfarpar anadlu cyn mynd i mewn i'r adeilad a diffodd y fflamau.

Dioddefodd dyn oedd y tu mewn i'r adeilad losgiadau i'w dwylo, i'w breichiau, i'w coesau a'i wyneb.

Aed ag ef i'r ysbyty mewn ambiwlans awyr.

Dywed Gwasanaeth Tân Canolbarth a De Cymru nad oedd ganddynt unrhyw wybodaeth am beth achosodd y tân.