BBC Cymru Fyw

Tân yn dinistrio carafan yng Ngwynedd

Published

Mae Heddlu Gogledd Cymru yn ymchwilio ar ôl i dân ddinistrio carafán yng Ngwynedd fore Sadwrn.

Cafodd dau griw o ddiffoddwyr eu hanfon o Gaernarfon a Phorthmadog i ddiffodd y fflamau yng Nghlynnog Fawr, ger Caernarfon.

Derbyniodd Gwasanaeth Tân ac Achub Gogledd Cymru'r alwad toc wedi hanner nos.

Y gred yw bod y tân wedi'i ddechrau'n fwriadol.

Ni chafodd unrhyw un eu hanafu.

Dylai unrhyw un â gwybodaeth gysylltu â'r heddlu ar 101.