Gwrthdrawiad: Merch mewn cyflwr difrifol

Cyhoeddwyd
Ffynhonnell y llun, Not Specified

Mae merch 17 oed mewn cyflwr difrifol yn dilyn gwrthdrawiad rhwng dau gar yn Sir Benfro.

Bu'n rhaid i chwech o bobl gael triniaeth yn yr ysbyty wedi'r digwyddiad rhwng Niwgwl a Solfach ar yr A487 am 3:20pm ddydd Sul.

Bu car Seat Ibiza coch mewn gwrthdrawiad â char Honda CRV glas tywyll.

Mae tîm plismona ffyrdd Heddlu Dyfed powys wedi apelio ar unrhyw un sydd â gwybodaeth am y digwyddiad i gysylltu gyda nhw drwy ffonio 101.

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol