Gŵyl Jazz: Saith cais

Adamant band
Image caption Mae'r ŵyl flynyddol yn rhoi lliw i strydoedd y dref bob haf

Mae'r cyngor celfyddyddau wedi derbyn saith cais gan sefydliadau sydd â diddorddeb mewn cynnal Gŵyl Jazz Aberhonddu.

Bydd y ceisiadau yn cael eu trafod gan y cyngor ar Ebrill 17 a bydd y cais buddugol yn cael ei gyhoeddi cyn diwedd y mis.

Fe ddaw hyn ar ôl i Ŵyl Y Gelli, a fu'n gyfrifol am gynnal yr ŵyl jazz er 2009, gyhoeddi eu bod yn dod â'r cysylltiad i ben.

Cafodd yr ŵyl ei chynnal am y tro cyntaf ym 1984 yn ystod mis Awst.

Trafferthion ariannol

Dros y blynyddoedd mae'r ŵyl wedi cael llwyddiant yn ogystal ag wynebu beirniadaeth.

Mae wedi denu rhai o brif enwau jazz y byd yn ogystal â rhoi llwyfan i artistiaid newydd.

Image copyright Other
Image caption Mae'r ŵyl wedi cynnig llwyfan i gerddorion fel Courtney Pine

Ond mae trafferthion ariannol wedi bod yn gysgod dros yr ŵyl.

Wedi i hyrwyddwyr yr ŵyl fynd i'r wal yn 2008 fe wnaeth Gŵyl y Gelli ddod i'r adwy a chynnal yr Ŵyl yn 2009, 2010 a 2011.

Mae Gŵyl Ymylol Aberhonddu wedi ffynnu dros y blynyddoedd a bellach mae'r ŵyl honno wedi datblygu i fod yn ddigwyddiad ar liwt ei hun.

Dywedodd David Brockwell, un o hyrwyddwyr yr ŵyl ymylol: "Rwyf am helpu pwy bynnag fydd yn cynnal yr Ŵyl Jazz i sicrhau bod yr ŵyl yn llwyddiannus.

"Mae gennym nifer o sgiliau a thalentau yn ein tref gall gael eu defnyddio i sicrhau llwyddiant yr ŵyl.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.