BBC Cymru Fyw

Fleetwood 1-1 Wrecsam

Published
image copyrightOther

Teithiodd Wrecsam i wynebu Fleetwood nos Fawrth, y tîm ar frig Uwchgynghriair Blue Square.

Fe wnaeth yr ymwelwyr sicrhau nad yw Fleetwood yn dathlu dyrchafiad i'r Gynghrair eto ar ôl gêm gyffrous rhwng y ddau sydd ar y brig.

Wrecsam aeth ar y blaen wedi i Jack Speight daro ergyd 15 llath llai na 10 munud ar ôl dechrau'r ail hanner.

Ond buan iawn y daeth y tîm cartref yn gyfartal wrth i amddiffynnwr Wrecsam, Marc Creighton, ergydio peniad Gareth Seddon i gefn y rhwyd.

Roedd Wrecsam i lawr i 10 dyn ar ôl i Joe Clarke gael dau gerdyn melyn.

Dyma oedd 28ain gêm Fleetwood heb golli.

Gallai Fleetwood ennill y gynghrair ac ennill dyrchafiad nos Wener yn erbyn Lincoln.

Dyma fyddai'r tro cyntaf i Fleetwood chwarae yn y gynghrair.

Canlyniad:

Fleetwood 1-1 Wrecsam

Ebrill 10 2012