Ffermwr yn apelio yn erbyn dedfryd

Prawf diciâu Image copyright (C) British Broadcasting Corporation
Image caption Roedd wedi ffugio prawf er mwyn hawlio iawndal.

Mae ffermwr o Gaerfyrddin wedi penderfynu apelio yn erbyn dedfryd am ffugio prawf diciâu ar wyth o'i wartheg er mwyn hawlio iawndal.

Roedd wedi defnyddio deunydd i chwyddo croen anifail.

Cafodd Gary Davies ddedfryd ohiriedig o bedwar mis o garchar ac mae disgwyl iddo dalu £10,000 o gostau yn ogystal ag ad-dalu £16,000 o iawndal.

Gorchmynnwyd iddo hefyd wneud 200 awr o wasanaeth cymunedol.

Nid yw'r undebau amaeth am wneud sylw am yr achos tra bod apêl ar y gweill.

Straeon perthnasol