Gweilch 31 -12 Dreigiau

Shane Williams Image copyright Huw Evans picture agency
Image caption Shane Williams yn diolch i'r cefnogwyr

Fe wnaeth cais yn symudiad ola'r gêm gan Shane Williams goroni buddugoliaeth yn erbyn y Dreigiau.

Mae'r pwynt bonws bron yn ddigon i sicrhau gem gartref arall i Shane Williams cyn iddo ymddeol o'r gêm.

Pe bai'r Gweilch yn gorffen y tymor yn yr ail safle yna maent yn sicr o gêm gartref yng nghystadleuaeth y pedwar olaf.

Roedd y Dreigiau, yn annisgwyl, o fewn cyrraedd i'r tîm cartref tan i'r Gweilch gael cais cosb yn y 78 munud.

Ond roedd dal digon o amser i Williams fylchu a chroesi'r llinell. Cafodd yr asgellwr yr anrhydedd o drosi'r trosgais.

Daeth cais cyntaf y Gweilch ar ôl 20 munud diolch i'r blaenasgellwr Ryan Jones.

Ond er gwaetha absenoldeb Luke Charteris oherwydd anaf i'w ysgwydd, fe wnaeth y Dreigiau sicrhau ei bod hi'n gêm agos.

Torf fwyaf

Daeth ail gais y Gweilch ar ôl nifer o droseddau yn y scrum.

Cafodd Nathan Buck ei anfon i'r gell cosb, ac yna fe wnaeth y dyfarnwr Nigel Owen roi cais cosb i'r Gweilch.

Ond llwyddodd esgid maswr y Dreigiau Lewis Robling i gadw'r Dreigiau yn y gêm

Daeth ail gais cosb i'r Gweilch ar ddiwedd y gêm, ond roedd dal amser i Williams goroni'n perfformiad o flaen torf fwyaf y tymor.

Yn y gêm arall nos Wener, roedd Leinster yn fuddugol oddi cartref yn erbyn Ulster, 8-16. Bydd y sgôr yn helpu achos y Scarlets sy'n brwydro yn erbyn Ulster a Glasgow i orffen yn y pedwar uchaf.

TABL RABO DIRECT PRO 12
Safle Gemau Ennill Cyfartal Pwyntiau Bonws Cyfanswm
Leinster 21 17 1 7 77
GWEILCH 21 15 1 4 67
Munster 20 13 0 8 60
Glasgow 20 11 4 5 57
Ulster 21 12 0 8 56
SCARLETS 20 11 1 9 55
GLEISION 20 9 0 9 45
DREIGIAU 21 7 1 5 35
Treviso 20 7 0 7 35
Connacht 20 6 1 7 33
Caeredin 20 5 1 5 27
Aironi 20 4 0 4 20