BBC Cymru Fyw

Caerdydd 1-1 Leeds

Published
image copyrightOther
Caerdydd 1-1 Leeds United
Bydd rhaid i'r Adar Gleision aros tan gêm ola'r tymor cyn sicrhau eu lle yn y gemau ail gyfle oni bai bod canlyniadau eraill ddydd Sadwrn yn mynd o'u plaid.
Er i Gaerdydd fynd ar y blaen yn Stadiwm Dinas Caerdydd ddydd Sadwrn gyda gôl gan Joe Mason bedwar munud cyn yr egwyl, yr ymwelwyr gafodd mwyafrif y meddiant.
Caerdydd gafodd fwy o ergydion at y gôl yn ystod y gêm. Ond roedd cyfuniad o arbedion gan Andy Lonergan a chwaraewyr Caerdydd yn wastraffus o flaen gôl yn gostus.
Gydag ychydig dros chwarter awr o'r gêm yn weddill, fe ddaeth Leeds yn gyfartal - croesiad Paul Connolly a Luciano Becchio yn glir yn y cwrt chwech i benio i'r rhwyd.
Os na fydd Middlesbrough yn ennill yn ddiweddarach brynhawn Sadwrn, fe all tîm Malky Mackay ymlacio a dechrau paratoi am y gemau ail gyfle.
Os fydd tîm y gogledd-ddwyrain yn cipio triphwynt, fe fydd rhaid i Gaerdydd gael pwynt oddi cartref yn erbyn Crystal Palace yn eu gêm olaf i fod yn saff o'u lle.
Ebrill 21, 2010