Morgannwg yn colli eto

Huw Waters Image copyright (C) British Broadcasting Corporation
Image caption Cymrodd Waters ddwy wiced i roi gobaith i Forgannwg

Roedd hi'n ymddangos bod Morgannwg yn mynd i osgoi colli gêm arall ym Mhencampwriaeth y Siroedd ddydd Sul yn bennaf oherwydd y tywydd.

Ond pan wellodd y tywydd, daeth cwmwl du arall dros dymor Morgannwg er bod diweddglo'r gêm yn hynod gyffrous.

Ar ddechrau'r diwrnod olaf, roedd angen 94 rhediad ar yr ymwelwyr i ennill y gêm wedi i Forgannwg gael diwrnod da gyda'r bat ddydd Sadwrn.

Yn wir roedd buddugoliaeth annhebyg yn edrych o fewn cyrraedd pan gipiodd Huw Waters ddwy o wicedi'r ymwelwyr pan ddechreuodd y chwarae ganol prynhawn Sul.

Ond Ervine oedd yr arwr i Hampshire. Arhosodd yntau wrth y llain wrth i'r wicedi ddisgyn o'i gwmpas, gan sgorio 75 cyn colli'i wiced i fowlio Jim Allenby.

Roedd ei fatiad yn ddigon i lywio ei dîm i fuddugoliaeth o ddwy wiced yn y diwedd gyda Riazuddin yn taro'r rhediadau buddugol.

Morgannwg v Sir Hampshire (Sgôr terfynol)

Morgannwg: (Batiad cyntaf) 103 am 9

(ail fatiad)256

Hampshire: (Batiad cyntaf) 156

(ail fatiad) 204 am 8

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.