BBC Cymru Fyw

Buddugoliaeth i Stevens yn Sheffield

Published
image copyrightPA
image captionEnillodd Matthew Stevens yn gyfforddus o 10-3
Mae Matthew Stevens wedi sicrhau ei le yn yr 16 olaf ym Mhencampwriaeth Snwcer y Byd ar ôl curo Marco Fu o 10-3 yn y Crucible yn Sheffield.
Chafodd y Cymro o Gaerfyrddin - a gollodd i Mark Williams yn y rownd derfynol yn 2000, ac i Shaun Murphy yn 2005 - ddim llawer o drafferth i guro'r chwaraewr o Hong Kong.
Enillodd Stevens yr wyth ffram gynta', ac er i Fu ddechrau'r sesiwn nos yn addawol, aeth Stevens ymlaen i ennill o 10 ffram i 3.
Bydd yn wynebu Barry Hawkins yn y rownd nesa'.
Sgôr:
Rownd 1:
Matthew Stevens 10-3 Marco Fu

Straeon perthnasol

  • Dechrau da i Jamie Jones