Beiciwr modur o Lanbradach wedi marw

Canolfan reoli(C) British Broadcasting Corporation
Roedd y ddamwain am 5.50pm

Mae beiciwr modur 31 oed wedi marw oherwydd damwain ger Ail Bont Hafren nos Fawrth.

Dywedodd yr heddlu fod y dyn o Lanbradach ger Caerffili a bod gwrthdrawiad rhwng ei feic modur a fan am 5.50pm.

Chafodd neb arall ei anafu.

Roedd ffordd yr M4 i gyfeiriad y gorllewin ynghau am gyfnod wedi'r ddamwain rhwng Cyffordd 22 (M49) a Chyfordd 23 (M48 Magwyr).

Dywedodd Asiantaeth y Priffyrdd fod y ddamwain ger y man casglu tollau.

Dylai unrhywun â gwybodaeth ffonio 01633 642404.