BBC Cymru Fyw

Pontypridd ar frig Uwchgynghrair Rygbi Cymru

Published
image copyrightOther
Pontypridd orffennodd y tymor ar frig Uwchgynghrair Rygbi Cymru yn dilyn eu buddugoliaeth o 20-0 yn erbyn Llanymddyfri yn Hel Sardis ddydd Sadwrn.
Gwyddai Pontypridd na fyddai'r dasg yn hawdd oherwydd roedd Llanymddyfri yn bedwerydd, ac fe fyddai buddugoliaeth i'r ymwelwyr wedi sicrhau lle yn rownd gynderfynol y rowndiau terfynol, a hynny yn lle Pontypridd.
Lockyear sgoriodd unig gais yr hanner cyntaf cyn i Williams lwyddo gyda'r trosiad.
Roedd Pontypridd 7-0 ar y blaen ar yr egwyl.

Gêm ail-gyfle

Ymestynnodd Pontypridd eu mantais pan diriodd Wyatt a llwyddodd Williams unwaith eto gyda'r trosiad.
Ciciodd Williams ddwy gôl gosb gan selio buddugoliaeth gyfforddus i Bontypridd.
Mae'r fuddugoliaeth hon wedi rhoi Pontypridd yn rownd derfynol y gynghrair gan olygu bod yn rhaid i Lanelli ac Aberafan frwydro mewn gêm ail-gyfle er mwyn cyrraedd y rownd derfynol.
Ebrill 28, 2012